Оқу-ағарту министрлігі кейбір өңірлерде “Жазғы мектеп” жұмысы ұйымдастырылатынын айтты.
Су тасқынынан зардап шеккен және ауа райының қолайсыздығына байланысты қыс мезгілінде қашықтан оқыған 2622 мектептің 832 мың оқушысы үшін 27-31 мамыр аралығында “Жазғы мектеп” жұмысы ұйымдастырылады. Жазғы мектепті ұйымдастырудың негізгі мақсаты – оқушы біліміндегі олқылықтардың орнын толтыру арқылы білім сапасын арттыруға бағытталған, – деді Ғани Бейсембаев Үкімет отырысында.
