Оқушыларға арналған «Этноконструктор» ойыны халық мәдениетін, тарих пен рухани мұраны насихаттауға бағытталған «Қазақтану» жобасы аясында әзірленген.
Ойынды өз көздерімен көріп, танысуға №16 орта мектебінің бастауыш сынып оқушылары жиналды. Келген балаларға қазақ тарихы туралы баяндалды. Оларды киіз үйдің негізгі бөліктерін таныстырды. Сонан соң оқушылар мамандардың жетекшілігімен экологиялық таза материалдардан жасалған «киіз үй» этноконструкторын құрастырды.
Киіз үйдің шаңырағы отбасылық жәдігер болып саналып, ұрпақтан-ұрпаққа беріліп отырған. Киіз үй халқымыздың көшпенді өмірінің болмысын көрсетеді жәнеде оның қай жағынан қарасаң да ұтымдылығы басым. Суықтан да, ыстықтан да қорғай алатын жақсы қасиеттерге ие баспана болған.
