Мақтаарал ауданында болған жағдайды ҚР Оқу-ағарту министрлігі мен жергілікті атқарушы органдар да өз бақылауына алды.
Түркістан облысы полиция департаментінің баспасөз қызметі ұсынған ақпаратқа сүйенсек, қазіргі таңда аталған факт бойынша Мақтаарал ауданының полиция бөлімінде іс тіркелген. Тәртіп сақшылары оқиғаның барлық мән-жайын анықтап жатыр. Нәтижесі бойынша заңды шешім қабылданатын болады.
Айта кетейік, кеше Түркістан облысында мұғалім оқушылардан оюлы жакеттерін шешуді талап еткенін жазған болатынбыз.
Аталған жағдай 14-наурыз күні Мақтаарал ауданында болған. Түркістан облыстық білім басқармасы ұсынған ақпаратқа сүйенсек, бүгінде бұл мәселені ҚР Оқу-ағарту министрлігі мен жергілікті атқарушы органдар өз бақылауына алған.
