19-22 шілде аралығында кешенді тестілеу өткізіледі

Кешенді тестілеуге өткен жылдардағы жалпы орта білім беру (орта жалпы) ұйымдарының бітірушілері, техникалық және кәсіптік білім беру ұйымдарының бітірушілері, халықаралық оқушылармен алмасу желісі бойынша шетелде оқыған оқушылар, оқыту тілі қазақ және орыс тілдерінде емес жалпы білім беретін мектеп бітірушілері, республикалық музыка мектеп-интернаттарының бітірушілері, сондай-ақ оқу орнын шетелде бітірген тұлғалар қатысады.
Кешенді тестілеу 19-22 шілде аралығында 42 тестілеу өткізу пункттерінің базасында (базалық жоғары оқу орындары), оның ішінде 3 ұлттық өнерге қатысты жоо және 3 Қазақстан Республикасы Ішкі істер министрлігіне қарасты жоо-да өткізіледі.
Кешенді тестілеу түсушілердің қалауы бойынша қазақ немесе орыс тілдерінде орта білім берудің оқу бағдарламалары көлемінде төрт пән: мемлекеттік немесе орыс тілі (оқыту тілі), Қазақстан тарихы, математика және таңдау пәні бойынша өткізіледі.
Кешенді тестілеуге қатысу үшін өтініштер қабылдау 20 маусым мен 9 шілде аралығында жоғары оқу орындарының қабылдау комиссияларымен жүргізілді. «Талапкер» деректер базасын қалыптастыру қорытындысы бойынша тестілеуге қатысуға өтініш бергендердің саны 87055-ті құрады, оның ішінде 58990 – ы қазақ тілінде және 28065 – і орыс тілінде, және оның ішінде мектеп бітірушілер – 16422, оқуға жалпы орта білімнен (11 сыныптан) кейін түскен техникалық және кәсіптік білім беру ұйымдарының бітірушілері – 22442, оқуға негізгі орта білімнен (9 сыныптан) кейін түскен техникалық және кәсіптік білім беру ұйымдарының бітірушілері – 48191.
Өтініш қабылдау қорытындысы бойынша Ұлттық тестілеу орталығымен емтихан материалдары дайындалып, тестілеу өткізу үшін оны аймақтарға жеткізу жүзеге асырылды.
Тестілеуді өткізу тәртібін сақтауға бақылау жүргізу жоғары оқу орындары қызметкерлері құрамынан жасақталған Министрлік өкілдерімен жүзеге асырылады.

Базалық жоғары оқу орындары бойынша ТКТ өткізу мерзімі туралы ақпарат

kazbilim.kz