Әли ибн Әбу Талибтен жан, мінез тәрбиесіне байланысты 10 өсиет:
• Адамдар ғылымға қарағанда, тәрбиеге көбірек мұқтаж.
• Сен үшін жақсы және нашар адам тең болмасын. Әйтпегенде, жақсысының игі істерге деген құлшынысы жоғалып, нашары одан да төмен әрекеттер жасайтын болады.
• Аз бергендігіңнен ұялма. Ештеңе бермеу – одан да аз.
• Тіліңнің өткірлігін (шешендігін) саған сөйлеуді үйреткен анаңа жұмсама.
• Сен – аузыңнан шықпаған сөздеріңнің қожайынысың. Айтып болғаннан кейін, олар – сенің қожайының.
• Адамға байлығы мен денсаулығына арқа сүйеудің қажеті жоқ.Дені сау кез келген уақытта ауырып қала алады, ал бай бір сәтте кедейленуі мүмкін.
• Білімсіз жасалған құлшылықта, түсінік жоқ білімде қайыр жоқ.
• Ақылсыздықпен басталып, өкінумен аяқталатын ашудан сақтаныңыздар.
• Жүрек таза болғанда ғана тілден оңды сөз шығады.
• Ең үлкен байлық – ақыл-парасат. Ең үлкен мұра – тәлімді тәрбие. Ең үлкен кедейлік – надандық.
Асыл арна теларнасының фб әлеуметтік желісіндегі парақшасынан алынды.
