Осыған дейін Білім және ғылым министрі Асхат Аймағамбетов педагогтердің кезекті Тамыз конференциясында атап өткендей Қазақстанда оқушылардың басты емтиханы – Ұлттық бірыңғай тестілеу форматына өзгеріс енгізіп, қағаз форматтан компьютерлік тестілеуге ауыстыру мәселесі қарастырылуда.
«Апелляцияның қазіргі форматын толықтай әділетті деуге келмейді, себебі студент ауқымды ақпаратты есте сақтап, келесі күні ғана апелляцияға беруі қажет. Ал Қазақстанда мұндай формат қазірдің өзінде іске асуда: компьютерлік форматта өткізілетін Ұлттық біліктілік тестілеу кезінде педагогтер тестілеуді аяқтағаннан кейін апелляцияға жарты сағат ішінде бере алады. Сондықтан біз ҰБТ-ның жаңа форматында осындай тәжірибені енгізуді ұсынамыз» – деп Әбсаттаров мырза пікірін білдірді.
Компьютерлік жабдық калькуляторды, Менделеев пен тұздардың ерігіштігі кестелері сынды анықтамалық құралдарды пайдалануды едәуір жеңілдете түседі, өз кезегінде оларды тестілеу кезінде компьютерлік бағдарламаға енгізуге де болады. Демек, осылайша барлығын бір жерде пайдалану арқылы жеңілдей түспек.
